فراخ على الطريقة المصرية..امممممممم يميم

بسم الله نبدأ
[ندعوك للتسجيل في المنتدى أو التعريف بنفسك لمعاينة هذه الصورة]
دجاجة مقطعة 8 أجزاء
بصلة متوسطة
معلقة كبيرة مسطردة
2فص توم كبار
2معلقة كبيرة زيت ذرة
2 حبة طماطم متوسطة
قرن فلفل رومى أو حامى حسب الرغبة
معلقة صغيرة خل
معلقة صغيرة من التوابل دى (ملح -فلفل-بهارات-زعتر-سماق-روز مارى-جنزبيل بودر)
[ندعوك للتسجيل في المنتدى أو التعريف بنفسك لمعاينة هذه الصورة]
بعد ما نغسل الفرخة كويس بالخل والملح نقطعها 8 أجزاء ونتركها على جنب ونجيب الخلاط ونضع فيه البصلة ونقطعها مكعبات كبيرة ثم نضع الطماطم مكعبات كبيرة برضه ونقطع التوم والفلفل ونحطهم عليهم ثم نضع المسطردة والزيت والتوابل والخل ونضربهم كويس هتتكون عندك الخلطة مش هتكون سايلة قوى هتكون ماسكة نفسها زى الكريمة وبعدين نحطها على الفراخ ونقلبها كويس ونتركها فى التلاجة لمدة يوم كل ما تسبيها فى التتبيلة فترة أطول هيكون طعمها أحلى بس أنا ساعات ببقى مستعجلة فبسيبها فى التتبيلة 4-5 ساعات وبعد ما تخرجيها من التلاجة تحطيها على النار وتسبيها تغلى غلوتين هتلاقيها بتنزل ميتها وأختبريها بالسكينة لو لقتيها أبتديت تستوى أقفلى عليها وعلى فكرة مش بتاخد وقت طويل عشان التتبيلة بتخليها تستوى بسرعة وبعدين تصفيها من الصوص وتشويها أنا بشويها على الشوايه السلك اللى بتتحط على البوتاجاز طعمها بيبقى تحفة بجد وبعملها كده على طول
وعلى فكرة ممكن بعد ما الصوص بتاعها يبرد تشيليه فى الفريزر وتستعمليه مرة تانيه
ودى صورها
[ندعوك للتسجيل في المنتدى أو التعريف بنفسك لمعاينة هذه الصورة]
جربوها وان شاء الله تعجبكوا وبألف هنا وشفا
[ندعوك للتسجيل في المنتدى أو التعريف بنفسك لمعاينة هذه الصورة]

يمييييييييي
روعة

مشكوووووووورة