تضحك الدنيا

موضوع: تضحك الدنيا السبت نوفمبر 13, 2010 12:31 pm

* كلمات: أحمد عبدالحق * ألحان: صلاح الهملان * غناء: راشد الماجد
الله لا يجيب الزعل بينك وبيني
وان زعلت ارضيك أنا يا نور عيني
تضحك الدنيا في عيني لارضيك
واقبل عذارك واسامحك لو خطيت
لو اقول انك حياتي ما وفيت
كيف انا اضيع حياتي من يديني
الله لا يحرمني منك
ومن حلاك ومن دلالك
ما تمنى غير شوفك
تبتسم مرتاح بالك
أنا محتاج لحنانك مهما كان
انت من يقدر يخيب منك ظني
لو تخيل لك غيابي
لا تقول اني نسيتك
صدق احساسك وقلبك
أنا من قلبي هويتك
وانت في بالي الأول والأخير..
لو تغيب شوي توحشني كثير
وش ينسيني وأنا عاشق واغير
وش كثر عانيت حتى اني لقيتك

لمسافر

كلمات : بدر بن عبدالمحسن

لا تلوح للمسافر
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..

يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا ..
والمسافر راح ..

مادري باكر هالمدينة وشتكون ..
النهار والورد الأصفر والغصون ..
هذا وجهك يالمسافر لما كانت لي عيون ..
وينها عيوني حبيبي ..
سافرت مثلك حبيبي ..
القطار وفاتنا ..
والمسافر راح ..

انا احبك

كلمات : خالد البذال

انا احبك ولا فكـــــــرت اخونـــــك
احلف ورب البيت غيرك ما حبيت

آه يــــا عمــــري عليــــــــــــــــك
لو تغيب شويـــــــــــــــــــه عنــي

وقلبي بالهوى عايــش يصونــــك
وعمري يا غلى فدوه لعيونـــــك

كل شي يعجبنــــــــــي فيـــــــــــك
انا يا عمري اجيــــــــــــــــــــــــك

انا احبك ..

انــــت كــــل عمـــري فــــــــــداك
انته ما خيبت ظنــــــــــــــــــــــــي

والزمن يحلى معــــــــــــــــــــــاك
والوفا كله وفـــــــــــــــــــــــــــاك

انا احبك

بودعكم

بودعكم يا احبابي

غصب ولا انا مابي

عساكم تذكروا حبي ... ولا تنسوني بغيابي

ترى في البال عشرتنا

وروحتنا وجيتنا

وجمعتنا وفرحتنا ... ترى في البال يا اصحابي

بودعكم يا احبابي

أحب اللي يحبوني

ولاضني بينسوني

ولو أعطيهم عيوني... ابد ماحسب حسابي

بودعكم يا احبابي

تمر سنين والقاكم

واطفي نار فرقاكم

واكمل عمري وياكم... واكمل بالهنا بابي

بودعكم يا أحبابي

تأخرتي

كلمات : عبدالله الحماد

تأخرتي ولا اقدراعيد ايام معانــاتــــــــــــــــــــــــــي
علاقتنا ابد مابيك تعيدين النظر فيهــــــــــــــا
نسيت اللي مضى وياك نهيت اجمل علاقاتـــــــــــــي
نسيتك مثل مانتي محبتنا نسيتيهـــــــــــــــــا

ما عاش الصدق في ذاتك مثل ماعاش في ذاتــــــــي
ملامح كذب في وجهك في كل كلمه حكيتيهـا
تعبت اسأل عن اخبارك في روحاتي وفي جياتـــــــي
قطعتيني ولا ادري وش ايامك حصل فيهــــا

صبرت وقلت يمكن يوم اغير فيك نظراتــــــــــــــــي
نصحتك للأسف مرات ولا كأنك سمعتيهـــــا
هذا كل مافيني كتبته فوق صفحاتــــــــــــــــــــــــي
خذيها لك واضن انك فهمتي كل معانيهــــــا

تفنن

تفنن في طروق الحب شرقني وغربنــــــــــــــي

معك يا زين دوخات الهوى ويا حلو مشـــــواره

وغرد في سما سمعي ابي تحكي وتطربنــــــــي

سواليفك مطر عمري .. ربيعي ضحكة ازهـــاره

حبيبي يا بعد كلي وكلك صدق تعجبنـــــــــــــــي

بغيباتك وصداتك وتلويعك وتكــــــــــــــــــــراره

تجنن كل ما اشوفك احس انك تذوبنـــــــــــــــي

وتضيعني من الدنيا .. وتشب بخافقي نـــــــــاره

جمالك ناهب قلبي وتفكيري وناهبنــــــــــــــــــي

دلالك يارقيق العود .. عود تعزف اوتـــــــــــاره

تولعت بتصانيفك .. وتعذيبك يولعنــــــــــــــــــي

وعلى اي حال راضي بك شمس العمر وانــواره

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

شكرا على الموضوع

و لو هاذا من واجبي

» اتحداك لو ما تضحك
» في غيابك تصبح الدنيا ظلام
» ليت الدنيا مثل امي ازعلها وتراضيني
» الدنيا مزرعة الآخرة
» اجمل عبارات اذا ضاقت بك الدنيا؟؟